الثلاثاء، 29 نوفمبر 2011

-=أيام الحريـــة =-



مرت الانتخابات بمحافظة بورسعيد على مدار يومين فى سهولة ويسر ... وذلك بمعاونة ضباط القوات المسلحة وحسن تنظيمهم للجان الانتخاب على مستوى المحافظة .. وكانت المعاملة مع المواطنين بأحترام شديد من جانب افراد الجيش والشرطة 
الذين حرصوا على توعية المواطنين وتنظيم العملية الانتخابية على اعلى مستوى فى ظل الأعداد الرهيبة والغير مسبوقة من السيدات وكبار السن والشباب من مختلف الاعمار ..
وقد مرت الاحداث على مدار يومى الأثنين  والثلاثاء 
بصورة طبيعة فى جميع مقار اللجان الانتخابية ولم يكن هناك سلبيات تذكر سوى الزحام الشديد وبصفة خاصة فى لجان السيدات .. وايضا مندوبى الدعاية لمرشحى الاحزاب والفردى 
الذين كانوا متواجدين بكثرة خارج مقار اللجان الانتخابية 
وكانوا يحثون المواطنين خاصة كبيرى السن على اختيار مرشحيهم .. واخرون كانوا يساعدون المواطنين فى معرفة ارقامهم الانتخابية وارقام لجانهم عن طريق الانترنت فى مقابل اعطاء اصواتهم للاحزاب او الافراد الموكلين لهم بعملية الدعية ولكن بدون اى رشاوى او دفع اموال .. فقط حث الاشخاص على انتخاب مرشحين معينين وكان بعض مندوبى الدعاية يذكر الرمز فقط وليس الاسم .. كما حدث تأخر بسيط فى فتح بعض اللجان الانتخابية فى الصباح الباكر نتيجة عدم جضور مندوبى المرشحين الذى كان لابد ان يكون متواجد على الاقل عدد 2 داخل كل لجنة ..
فيما عدا هذا سارت العملية الانتخابية طبيعية تماما واستمتع الناخبون بأداء الانتخاب فى جو من الحرية والشعور بقيمة الصوت لأول مرة .. كما ان الكثير من المواطنين كانت هذه هى المرة الاولى بالنسبة لهم لأداء الانتخاب .. 
حقا كانت تجربة ناجحة فى محافظة بورسعيد وشعرنا بنسيم الحرية وشكرا لجيش مصر الذى يثبت فى كل مرة انه قادر على 
الصعاب وانهم حقا ابناء شعب مصر الابطال ..
حفظ الله مصر ودام أمنها ووفقنا لما فيه الخير دائما ..


الاثنين، 21 نوفمبر 2011

-= فراق فوق أحتمالى =-





سألتى سؤال وحرد عليكى .. أيوة يا عمرى أنا حاسس بيكى 
أيوة يا قلبى بحس بقلبك .. وبروحـــــى دايما حــــواليكى

عمرى ما حقسي أنا تانى فيوم .. وأنا من عينى راح النوم 
وبقيت مستنى انى اطمن .. وأرتاح بأة وانا كلى هموم 

مش قادر أبعد ولا أسأل .. مش عارف اية بس أعمل ؟؟
منا قربى ده بييجى عليكى .. وعليا أنى أتعب وأتحمل

ترتاحى لو أرد عليكى ؟؟ .. طب سامعانى وانا بناديكى
وأنا مش عارف اية راح أعمل .. غير انى اسأل روحى عليكى

خدى بالك اوى اوى من نفسك ..  مش عاوز أبدا أئذيكي
دا كفاية اللى بسببى حصلك .. مش حبقى أنا والدنيا عليكى

مين عارف كان اية راح يحصل ؟؟ .. لما الشوق فى القلب يزيد
ونلاقى نفسنا كده بنضعف .. وبنبدأ من الأول وجــديــد

أنا أصلى معاكى أنا ببقى ضعيف .. فما بالك لو أكون مشتاق ؟؟
  أخاف لو أرمى نفسي فى حضنك .. يكون بعديه تانى فراق


بس أنا حابب أكون حواليكى .. وأطمن منك أنا بيكى
مش قادر أصدق يا حبيبي .. تبقى قصادى ومبقاش ليكى 



بس أنا حفضل جمبك دايما .. وعارفك حتحسينى بجد 
دا اللى ما بينا ما يخلص أبدا .. ولا يمحيه نسيان ولا بُعد


بس اهو قدرى اكون أنا بعيد .. وأفضل عايش عمرى وحيد 
وأنت حبيبي قصادى تعيش .. وأنا دنيتى ولا فيها جديد

(( بقلمى )) 



  

السبت، 19 نوفمبر 2011

-= متعة الالم =-



ويسألونى عن العذاب .. ويسألونى عن الألم
عذابى بُعدك يا حبيبي .. وألمى حزنى والندم

ندم ضياعك من ايديا .. يوم ما سبتك تروح بعيد
كنت فاكر نفسي أقوى .. وأن قلبى دا حــديد

حتعب يومين .. أبقى حزين .. وأرجـــع أعـيـش
بس مش قادر أكون عايش بعقلى .. وقلبى مفــيش
عــايش عذابى وبستحق .. أيوة بستمتع كمان
مالعذاب ومالألم .. أتعب وأقول طب أية كمان ؟؟

حسيت بجرح فقلبى يمكن قبل منى حسيتى بـــيــه
حبيت عذابى وجرح قلبى .. وقلت ربى ما ينسي غيرى
كـــان لـــه جـــرح وايــــدى فــيــــه ... 

شفت الندم بعد الاوان .. بعد ما طال الزمان
بعد ما قلت ان عمرى
حيعدى يجرى .. وتبقى ذكرى وكان ياما كان ..
ضحكت عليا دنيتى .. وأستقوت عليا
زى ما استقويت زمان ..
 ضحكت عليا سابتنى أمشي ورجعتنى للى كان
بعد ما فات الأوان ...... 

ازاى حعيش فى دنيتى بعد ما ضــاعت حب عمرى ؟؟
مش دى اللى كنت فحضنها وأول ما أشوفها عليا بجرى ؟؟
أية اللى حصل ؟؟ اية اللى جرا ؟؟ لـــيه يا دنيا الأفترا ؟؟؟
ليه تحرمينى حب صافى وقلب دافى .. أنسانة طاهرة حنينة
ذنبى انى سبتك تمشي بعـــيد .. وكنت فاكرك لــيا أنــا

كنت فاكر حبى أقوى مالظروف ومن الزمن وفيــوم حنرجع
ما خطرلى يوم اكون بعـــيد وأنــى عن أخبارها بــســمع !!

عرفت أية طعم الألم .. أد ايــــــة جــــامد ومــــر 
عرفت أن الدنيا قاسية .. تـــــدوس علينا وتــستــمـــر

عذبى فينا كمان .. ابعدينا واتعبينا ودوقينا م الــمــرار
أصلك عودتينا دايما .. ان حٍـــلوِك دا أختـــيار
بس ُمــــرك جَـــرحِــك واخده فيه أول قـــرار .. !!

يلا هيا جت عليكى .. مخلاص حبيبي منى راح
واللى قادر أنى أعمل .. أكتب أقول..  يمكن ارتاح  !!

(( بقلمى ))


الجمعة، 18 نوفمبر 2011

-= ليل الشتا =-



جاى عليا الشتا ببرد وسحر واكتئاب 
خلانى اشوف وحدتى والكل حوليا سراب 
فكرنى بزمانى اللى فات .. واللى اصبح ذكريات


فكرنى بأيام الدفا فى عز برده
رجعنى تانى لأحساس كنت عشته

ما نسيت عمرى أيامى فى حضن حبيبي
لما الشتا يقرصنى كنت اروحله يدفينى


وحشنى يا حبيبي حضنك والدفا من جوة قلبك
وحشنى كل حاجة منك وحشنى صوتك وهمسك

لو قلت فيوم نسيتك ولا حتى نسيت لقاك
ابقى بضحك على روحى عارفنى عمرى محنساك 

خليك فاكرنى يا حبيبي فعز برد الشتا الحزين
واعرف انى عمرى كله عشته بين ايديك انت فيومين 

كنا فيهم ويا بعض .. كل لحظة وكل ساعة
انسي ننسى اللى بينا دا كان كبير
أقوى واكبر من احساسنا بالضيــاع


خليك بعيد لو انت حاسس انك كده مبسوط كمان
وان مش ناقصك حنان .. انت عارف دا كلامى ومش جنان

بس عاوزك تكون بخير .. تفتكرنى فبرد الشتا
ووقت ما تحس الليل طويل ..
((بقلمى))



الاثنين، 3 أكتوبر 2011

-= أفتح قلبك وعيش =-



جـربـت مـرة تحب كل الناس بجد
جـربـت مـرة تقوم وتدعى لأى حد

جـربـت مـرة تحس غيرك بابـتـسامة
وتعيش حياتك بالهداوة وتبقى جد

جـربـت تنسى هموم حياتك لو دقـيـقة
جـربـت تفرض إن كل الناس بريئة

جـربـت تشكر ربنا من كل قلبك
علشان بيكشف عــنــك أى ضيقة
........................................

جرب وقولى حسيت بأية ؟
حسيت بقلبك طاير ودى الحقيقة ..
حسيت بجسمك خف وروحك علت فدقيقة

طب قولى طيب لو حاولت 
ونسيت همومك واتفائلت 
اية راح يكون لو رجعت روحك بريئة ؟

........................................................

عجبى عليك يا ابن ادم شايل هم الزمان 
شايل فقلبك هم وانت يدوب انسان 

مخلوق ضعيف غلبان مش حمل قسوة دنيا 
ولا ذنبك تشيل احزان 

عاندت روحك ليه واية خلاك كده ؟؟
حتقولى هى الدنيا جاية عليك بالقوى 
منت نسيت ربك .. وهو اسمه الرحمــــن 

وتقولى حملك كتر وقريب حيبقى جنان 
لا انسي وسيبها للمولى 
صفى القلوب وازرعها ورد وفل وريحان 

دا العمر واحد ينتهى 
اية بعده تانى كمان ؟؟؟؟ 

((الجزء الاول مقتبس
من الكاتب الكبير صلاح جاهين ))
(( والبقية بقلمى))




الخميس، 22 سبتمبر 2011

-= ورقة وقلم =-




مسكت قلمى وفكرت أكتب وأحكى كتير ..
 ملقيتش غير حبة كلام تايه ما يهم غيرى غير ..
كلامى عنى .. وعن شعورى وعن غربتي وحزنى .. 
أيوة حزنى وهمى اللى اصبح كبير ..
سألت نفسي ليه كده ؟؟ ليه بحس الحزن ده ؟؟
وليه جوايا بتتكسر احلام كتير .. !!

...................................................

يا ترى حكم القدر ولا الزمان ولا الظروف ,
 اللى خلت جوه اليأس أنسان ..
بدل مكان الانسان بيجرى ورا حلمه ,
 بقى بيشوفه يضحك ويقول لسه ماّنش الأوان ..!!
طب أمتى ييجى الوقت ؟ والفرصة تبقى بجد
 والحلم يصبح حقيقة وألقا لحلمى مكان ....؟؟ 

....................................................

حلمى بسيط وأنا فيه بحلم أكون أنسان عايش كريم مبسوط ..
محسوس كلامى وان كان بلا صوت ..
مفهوم غنايا وفرحى وبكايا .. مش بس بسمع ولا يهمك 
و بكرة تتعدل وأهى أزمة وتفوت ..!!

.....................................................

معدش ينفع طبطبة .. سكت الكلام جوا حضن البكا , 
ومعدش طالع صوته ولا حتى لأقرب الناس ..
وبقيت أعيش وحدانى ماّنس القلم والورق ,
يتكلموا بلسانى ويوصفوا جوايا الأحساس ..

 ........................................................

كتير بسمع .. ما تحكيلنا وأية اللى فيك ؟؟
مكونش عاوز ارد .. واتوٍه وأقول مفيش حاجة ,
وأرد بينى وبين نفسي .. خلي اللى فيك يكفيك ..   
ولا تشغل عقول وقلوب همها صحيح ترضيك ,
لكن كتر الحكى يوجع واللى راح يسمع عمره ميحس اللي بيك ..

........................................................

وده كان كلامى وأحساسي طالع ملخبط زيي تمام ..
قولته لنفسي وأيدى لقيتها بتكتبه ,
وأهو خف حبة من المشـــــاعر أزدحــام .. 
يمكن أكون محتار ويمكن أكون تعبان ,
لكن اللى حسه أكيد أن فمشاعرى أنسجام ..
مربوطة ويا بعضها بحبل أفكارى , ومغلفها أحساسي الغريب ,
مطبوعة على ورق أبيض وجمبها القـلـم الهمـــام ..
اللى كتب وحول الكلمات أنشودة , بنشدها مع نفسي ,
واصبر روحى وأقول .. دلوقتى حبقى كويس ,
 دلوقتى راح ابقى تمام ..

(( بقلمى ))


الثلاثاء، 20 سبتمبر 2011

-= الرحيل المحتوم =-



سأرحل حتما واختفى .. فأنا يا سيدتى لست من انصاف الرجال 
لست ممن هواهم فى اللعب على اوتار القلوب 
لا ارجو منكى تعلقاّ زائفا .. بنصيب محتوم ولقاء بيننا محال 
.................................
سأترك ارض أحلامك لشخص غيرى يحولها لحقيقة معكى 
فأنا على صنع الحقيقة غير قادر 
فأعذرينى ولا تذكرينى .. لا بشَرٍ ولا بخير وانسينى 
..................................
دعينى افسح مجالا لعينيكى لترى غيرى وترى الحياة من دونى 
وليست بقسوة منى ولكنها رفقا بكى يا نور عيونى 
فقد ادركت ان فى بقائى اذى وان لم تراه عيونك 
ومن الاخلاق ألا اهدى من احبنى اشواكا .. فارحلى واكملى بدونى
...................................
يوما ما ستفهمين ما جرى .. وما حدث وجعلنى متغيرا 
ان من احب واراد لغيره الحياة .. لا يصح ان يكون بمشاعره مستهترا 
فلو كان النصيب للمحبين جامعا ... فبقدرة الله وليس فوقه قادرا 
لكن مادام الفراق محتوما .. فيحرم العبث بالمشاعرا
....................................
ارحلى الى قدرك والى حياتك واذهبى عنى .. فبى الامال لا تتحقق
ابتعدى عنى يا حلا عيناي .. ودعينى 
فأنى ساظل بعييييدا ..  وان كنت يوما للقائنا اتشوقُ 

((بقلمي))


السبت، 27 أغسطس 2011

قلوب رقيقة .. !!


السلام عليكم ورحمة الله 

النهاردة وانا عالفيس بوك .. وكنت بتفرج كالعادة على البوستات 
والكومنتات والبيدجات والجروبات .. لفت نظرى فيديو غرييب جدااا 
أنا عموما مش من هواة الفرجة على الفيديوهات 
ولكن شدنى اسم الفيديو ده ( أقسم بالله انى لم ارى مثل هذا )
فقلت اية ده ؟؟ مين اللى يقسم كده الا اذا كانت حاجة غريبة فعلا 
المهم .. فتحت الفيديو وقلت اشووف اية الموضوع
وفعلا كان من اغرب الحاجات اللى شفتها فى حياتى 
الفيديو كان عبارة عن مجموعة من المشاعر الصادقة جداا 
والحنونة جدااا .. واللى كنت بجد اتمنى انى اشوفها من بشر 
ولكن سبحاان الله اللى شفته كان من فعل الحيوان اللى احنا 
بنقول انه مبيفهمش ولكن اللى شفته شيء مبهر فعلا 
شىء ممكن الانسان نفسه يعجز عن فعله .. ولكن سبحاان الله 
كان فى اصرار غريب من الحيوان ده لأنقاذ حيوان اخر زيه 
وبطريقة طبية كمان ...!!!
متستغربوش دا اللى حصل فعلا .. وسبحان الله العظيم فعلا 
بس الظاهر ان ربنا مكتبش للحيوان التانى انه يعيش 
رغم تدخل من طبيب بيطرى لمحاولة انقاذه بعد طبعا ما انبهر بمحاولة الحيوان 
فى انقاذه .. ولكن كان مفيش امل .. ناهيك باة عن الموسيقى الحزينة 
اللى فى الفيديو ده واللى تحسسك بحزن الحيوان ده فعلا واد اية كان 
بيحاول بأستماته انه يرجع الحيوان التانى للحياة 
...
يمكن ناس تستغرب وتقول اية الهبل ده ؟؟
هو عمال بيكتب فى اييية ؟؟ وبيقول اييية ؟؟ وحيوان ايية والناس بتموت محدش بيسأل عنها ؟؟
لكن بصراحة انا اللى خلانى اكتب عن حاجة زى دى .. أن الغرب نفسهم 
بيستنوا اللحظات اللى زى دى والاحاسيس دى عشان ينقلوها
فى افلام الانيميشن ويعلموا اطفالهم منها .. فى الوقت اللى ممكن احنا 
نشوفها ولكن ولا نهتم حتى .!!
وليه ؟؟ لأن فى قلوب كتييييير جدا لا يوجد فيها رحمة حتى بين الناس وبعضها 
فما بالكم برحمة الانسان بالحيوان .. واللى أسلامنا العظيم وقرها 
واهتم بها .. والمثال السيدة التى كانت زانية .. ومرت ببئر
فشربت منه .. ثم جاء كلب يلهث ويأكل الثرى من العطش
فعادت للبئر فملأت خفها لتسقيه .. فغفر الله لها
وقد كانت زانية .. فسبحان الله العظيم 
......
فى النهاية اللى عاوز اقوله اننا نخلى فى قلوبنا رحمة ومنفتريش 
ومنستهونش حتى بصغائر الامور اللى ممكن تكون سبب فى دخولنا الجنة .. او والعياذ بالله فى دخول النار .. وحتى لو لم تكن كذلك فكفانا
قسوة وظلم وتحجر فى القلوب .. ولنسأل الله أن يرقق قلوبنا جميعا
ويجعلنا من المؤمنين .. رحماء بالناس وببعضنا البعض
فذلك اقرب للتقوى .. 

والان اترككم مع الفيديو المؤثر 
واتمنى ان نشاهده بتدبر وغير سخرية 
ولنفهم المعنى منه .. وشكرا

(بقلمى)


الخميس، 25 أغسطس 2011

وداعا حبيبتى


وكان الفراق
بعدما كان اللقاء .. بعدما كان التمنى وكان الاشتياق 
كنت بالامس اشعر بلذة لقاءها وانتظر الوقت لسماع صوتها 
ولكنى اليوم لا ادرى ما حدث .. وقد اصابنى منها الفتور 
لم اعد اشعر بكى حبيبتى .. كأنما قد تبدل الشعور
........
صمت غرييييب قد سيطر على اجواء اللقاء وحديثنا الهامس بالمساء 
وازداد وطال ولم يكن لنا الاختيار .. فبه رضينا واستسلمنا حتى شعرنا بازدراء
........

عذرا حبييبتى .. فقد اّن أوان الفراااق 
ولم اجد ما اتشبس به حقا ويرغمنى على البقاء
لست خائنا لعهود قد عليها اتفقنا .. ولكنى حقا لا ارجو يوما اراكى فيه مهزومة 
ومكسورة منى .. وقد كنت بالسابق انا الداء وانا الترياق
اااااااه من احساااس الألم الذى اشعر به من اجلك حبيبتى
وحقا من أجلك .. لأنى أعلم تماما انى قلبكى لا يتحمل الام الاشتياق 
........
اعرف شموخك حبيبتى .. واعرف ان يوما ما لن ترضى بمثلى حبيب 
يحب اكثر منكى ذاته .. ولم يصل بحبه يوما لمداكى او كان منه قريب 
........

لذا قررت الرحيل ..  ولا يوجد بديل 
فليس من اهدانى وردة ندية .. هو من اردها له شوكة قوية 
سامحينى حبيبتى
فقط سامحينى 


(بقلمى)


الأربعاء، 24 أغسطس 2011

علامات ودلائل ليلة القدر

‎""علامات ليلة القدر""

ذكر الشيخ بن عثيمين رحمه الله أن لليلة القدر علامات مقارنة وعلامات لاحقة

العلامات المقارنة
قوة الإضاءة والنور في تلك الليلة ، وهذه العلامة في الوقت الحاضر لا يحس بها إلا من كان في البر بعيداً عن الأنوار
الطمأنينة ، أي طمأنينة القلب ، وانشراح الصدر من المؤمن ، فإنه يجد راحة وطمأنينة وانشراح صدر في تلك الليلة أكثر من مما يجده في بقية الليالي
أن الرياح تكون فيها ساكنة أي لا تأتي فيها عواصف أو قواصف ، بل بكون الجو مناسبا
أنه قد يُري الله الإنسان الليلة في المنام ، كما حصل ذلك لبعض الصحابة رضي الله عنهم .
أن الانسان يجد في القيام لذة أكثر مما في غيرها من الليالي
العلامات اللاحقة
أن الشمس تطلع في صبيحتها ليس لها شعاع ، صافية ليست كعادتها في بقية الأيام ، ويدل لذلك حديث أبي بن كعب رضي الله عنه أنه قال : أخبرنا رسول الله صلى الله عليه وسلم : ( أنها تطلع يومئذ ٍ لا شعاع لها ) -رواه مسلم 


قال تعالى في سورة القدر :{ إنا أنزلناهُ في ليلةِ القدر *وما أدراكَ ما ليلةُ القدر * ليلةُ القدرِ خيرٌ من ألفِ شهر * تَنَزلُ الملائكة والروح فيها بإذن ربهم من كلِ أمر *سلامٌ هي حتى مطلع الفجر }

وصلى الله على نبينا محمد وعلى آله وصحبه وسلم


الأحد، 21 أغسطس 2011

احلم معايا ..




احــلـم مـعـايا ... ببكره جاى
و لو ماجـاش ... احنا نجيبه بنفسنا
نبدأ نحاول فى الطريق
كتر الخطاوى تدلنا على حلمنا

مهما نقع نقدر نقوم
نشق نتحدى الغيوم
نلاقى ليلنا ألف يوم

بس احنا نحلم

احلم معايا يا صديق
تطوى الخطى أرض الطريق
يهمنى حلمى البرئ
مهما يكون

يفضل بروحه جمبنا
مها يطول بينا الطريق
لو حتى توهنا يا صديق
يرجع لقانا يضمنا

على حلمنا

بس احنا نحلم

( كلام عجبنى )  

أرفع راسك فوووق أنت مصرى

ما شاء الله عليكم يا شباب مصر 
بجد فعلا المصرى لما يحب يعمل حاجة بيعملها 
وأرادة الشعب قوة لا تقهر ولا يستهان بها 
الشاب المصرى : أحمد الشحات 
أبن محافظة الشرقية البطل المصرى 
الملقب ب ( سبايدر مان المصرى )
أستطاع وبكل قوة وعزيمة واصرار أن يتسلق أدوار السفارة الاسرائبلية 
ذات ال 21 دور وأن يرفع علم مصر عاليا خفاقا فوق مبنى 
السفارة وانزال العلم الاسرائيلى وحرقه 
وسط جموع من الشعب والجماهير اللتى حملته على الاعناق وهتفت بحياته 
وبأسم مصر .. وغمر الجموع احساسا عميقا وصادقا بالنصر 
تماما كالذى كان فى قلوب المصريين يوم عبور القناة وتحطيم خط بارليف 
ورغم أننى لم اكن من المحظوظين الذين عاصروا تلك الحرب او كنت 
قد ولدت وقتها ولكن بلسان حال الشعب والجموع التى وقفت وانتظرت البطل 
المصرى حتى نزوله من اعلى البرج .. وبوصف البعض ممن شاهدوا 
العمل البطولى لأحمد الشحات ابن مصر البار 
وأخيرا اترككم مع الفيديو الكامل لما حدث و لتعيشوا روعة وجمال اللحظة 
وتشاهدوا ما فعله البطل المصرى 



وأترك الوصف لمشاعركم .. وأرفع راسك فوووق أنت مصرى 

(بقلمى)

السبت، 20 أغسطس 2011

عاوزين اية ؟؟؟؟

أفهم حاجة بس .. المطالب دى الهدف منها ايية ؟؟؟؟

بيان المعتصمين امام السفاره الاسرائيليه

ايماناً من كافة طوائف الشعب المصرى بأن كرامة مصر فوق كل اعتبار وأن الدم المصرى غالى فقد قرر المحتجون امام السفاره الدخول فى اعتصام مفتوح لحين تنفيذ  مطالب الشعب الآتيه :

1- رفض اى اعتذار من قِبَل إسرائيل جملةً وتفصيلاً.
2- طرد السفير الإسرائيلى من مصر.
3- سحب البعثه الدبلوماسيه المصريه لدى تل ابيب.
4- الغاء عقد تصدير الغاز لإسرائيل ووقف تصديره .
5- الغاء كافه اشكال التطبيع مع الكيان الصهيونى سياسياً وتجارياً وأمنياً.

كما يحذر المحتجون من ان عدم تنفيذ هذه المطالب مجتمعه ينذِر بتواطؤ القياده العسكريه المتمثله فى المجلس الآعلى للقوات المسلحه على دماء افراد القوات المسلحه والشعب المصرى.
والله على ما نقول شهيد
الله .. الوطن .. الشرعيه الثوريه



على فكرة المطالب مشرووعة جدااا 
وأنا من اول الناس اللى نفسي أنها تحصل بس ياترى 
هل الناس دى عارفة اية العواقب من ورا المطالب دى ؟؟
أحنا كده بنقول يلا بينا نحارب .. لأن الكلام ده مستحيل يحصل عمليا 
لأن كده احنا بنقطع معاهدة ( كامب ديفيد ) 
وبنستفز أمريكا واسرائيل لحرب صريحة فى الوقت اللى المعتصمين 
فيه بيقولوا ان المجلس العسكر لو ما نفذش المطالب دى 
يبقى كده هو متواطىء ومبيسعاش انه يجيب دم الشهداء 
وياخد خطوة ايجابية تجاه حقوق الشعب .. يعنى من الاخر 
 
لو محصلش تنفيذ للمطالب دى  - ودا اللى حيحصل - يبقى الدنيا 
حتقوم ومش حتقعد على المجلس والجيش اللى المفروض اننا 
نكون دلوقتى بندعمه عشان نخرج من الوقت العصيب اللى احنا فيه 
ونعدى الازمة على خير .. طبعا ناس كتير مش حيعجبها كلامى 
بس انا بخاطب العقل وبدور على مصلحة بلدى بجد 
ونفسي اقول للدنيا كلها اننا عايشين فى فوضى من الاحداث 
قد تؤدى بنا فى النهاية الى النهــــــــــاية بجد 
والله اعلم بما سيحدث ولكن اذا ما حصل حرب فعلا 
فأنا واثق من النصر .. وذلك مصداقا لقول الله تعالى فى كتابه العزيز 
عن ما سيحدث فى أخر الزمان وعن حرب اخر الزمان 
اللى حينتصر فيها المسلمين على اليهود الملاعين 
وكلى أمل وثقة بالله طبعا أننا لمنتصرون ..
ولكن متى وكيف ؟؟؟
هذه هى الغيبيات التى لا يعلمها الا الله سبحانه وتعالى 
وكل ما علينا هو الاخذ بالاسباب وحسن التدبير والاستعداد 
لما سنلاقيه .. وندى فرصة لنفسنا وبلدنا انها تقف على رجليها بس 
شوية .. ويكون فى دخل وموارد تعوضنا عن الخسائر اللى بالمليارات 
يوميا .. واللى حتخلينا فى حال احتياجنا لأى مورد نزود بيه 
احتياطينا .. وكمان اللى مش حنلاقيه خالص بعد ما المعونة تتقطع والبنك الدولى 
يطالب بفلوسه كمااان وتبقى خراااب من كل حاجة 

بالله عليكم يا شباب مصر الواعى والعاقل أفهموا وادرسوا الموضوع 
بجد لأن الخطر قاادم وقد يكون اسرع مما نتوقع 
وشوية تفكير صح فى مصلحة هذا الوطن بلا فوضى 
وتسرع والله المستعان 

 ( بقلمى )

الخميس، 18 أغسطس 2011



كله الا بلادى الغالية 
دى مصر وحتفضل عالية 
   .........
مهما تحاول يا يهودى 
تندس ارض جدودى 
ولا عمرك يوم تقدر 
ولا حتى تقرب لحدودى 
  .........
سجل يا تاريخ واشهد يا زمن 
الخاين راح يدفع التمن 
والعدو اللى جاى وفاكر 
انه فبلدى حيؤتمن 
   حتنكشف 
وراح ترجع ترجع فى كفن 
 ..........
احنا الاسود عبرنا الحدوود 
وجبنا النصر من سابق 
حييجى تانى بأيدين ولادنا 
 بشبابنا اللى واعى وفايق 
   .......... 
احنا الاصل ولاد الاصول 
جايين نرجع حقنا تانى 
جايين نفكر المشغول 
عن بلدنا بشىء تانى 
نقوله هانت والعدو قرب 
والظلم راح ينتهى علطول 

بقلمى 

حب لا تستوعبه الحروف




أحبك أكثر من حروف الحب
فبأي لغة أخاطبك ؟
أحبك أكثر من الحب
فما عادت تكفي أبجدية العرب 
لوصف حب شاق وصعب
أخاف من الحروف أن تحترق
إذا تكلمت بها عن حبي لك
أخاف أن تصلك سوداء أوراقي
وقد اشتعلت من شدة الأشواق
أخشى عن قلمي هذا الغرق
وهو يخط اسمك على الأوراق
أخشى عن عناوين قصائدي الشنق
وقد جهرت بحبي لك كالبرق
يا حبيبتي
حبي لك لا تستوعبه أبجديات لغتي
ولا تسعه مساحات الأوراق
سيكتب هذا الحب إذن 
على الجدران والطرقات
وفي الأنفاق
سيحاصرك حبي حصار الزمن
لأن حبي لك ليس له ثمن
أحبك في السر والعلن
أحبك حيا أنا أو في الكفن
أحبك، أحبك، أحبك

الأربعاء، 17 أغسطس 2011

احن الى طفولتى



أحِنُ إلى طفولتي .. !!

لا أريدُ أن أفهمَ ألغازَ الكبار .. وَ لا أن أسمعَ تمتماتِ المغتابين !

لا أريدُ أن أفسِرَ المواقف وَ لا أن أحللها !

أريدُ طفولتي .. بـ كل سذاجتها !!

...بـ صدقها , بـ برائتها , بـ فرحها الغير مصطنع .. وَ الذي يولدُ من أصغرِ الأشياء , لعبة / حلوى / دمية !

أريدُ أن أفرَحَ بقطعةِ شوكولا

أريدُ أن أضحكَ بصدق عند سماعي النكات !

أريدُ أن أبكى
وأشتاق ان يضمنى احدهم
طويلاااااا... ثم أناااام

منقووول