جـربـت مـرة تحب كل الناس بجد
جـربـت مـرة تقوم وتدعى لأى حد
جـربـت مـرة تحس غيرك بابـتـسامة
وتعيش حياتك بالهداوة وتبقى جد
جـربـت تنسى هموم حياتك لو دقـيـقة
جـربـت تفرض إن كل الناس بريئة
جـربـت تشكر ربنا من كل قلبك
علشان بيكشف عــنــك أى ضيقة
........................................
جرب وقولى حسيت بأية ؟
حسيت بقلبك طاير ودى الحقيقة ..
حسيت بجسمك خف وروحك علت فدقيقة
طب قولى طيب لو حاولت
ونسيت همومك واتفائلت
اية راح يكون لو رجعت روحك بريئة ؟
........................................................
عجبى عليك يا ابن ادم شايل هم الزمان
شايل فقلبك هم وانت يدوب انسان
مخلوق ضعيف غلبان مش حمل قسوة دنيا
ولا ذنبك تشيل احزان
عاندت روحك ليه واية خلاك كده ؟؟
حتقولى هى الدنيا جاية عليك بالقوى
منت نسيت ربك .. وهو اسمه الرحمــــن
وتقولى حملك كتر وقريب حيبقى جنان
لا انسي وسيبها للمولى
صفى القلوب وازرعها ورد وفل وريحان
دا العمر واحد ينتهى
اية بعده تانى كمان ؟؟؟؟
((الجزء الاول مقتبس
من الكاتب الكبير صلاح جاهين ))
(( والبقية بقلمى))
من الكاتب الكبير صلاح جاهين ))
(( والبقية بقلمى))
ليست هناك تعليقات:
إرسال تعليق